Rólegheit eða þannig

Góð helgi að baki sérstaklega í ljósi þess þetta var helgin sem ég hef unnið minnst í mjög marga mánuði.
Í gærkveldi héldum við surprise matarboð til heiðurs Maríönnu. Sparimatur og sparivín mmmm ég væri alveg til í svona mat á hverjum degi. Til hamingju með ammælið Maríanna.
Nóttin í nótt verður fyrsta í langan tíma sem ég mun eyða ein í íbúðinni minni. Ég hlakka barasta soldið til í að vera ein.

Fokkedí fokk

Hele ÖK familien var hér í M í mat og allt í einu hringir dyrabjallan, við hugsum öll hver í fjáranum getur etta verið? Jæja ég fer til dyra og þar stendur einhver asnalegur dani merktur DR bak og fyrir. Allavega þá er ég að fara að fá reikning fyrir ríkissjónvarpinu... ææææði!

Jól?

Gvuð minn almáttugur það var verið að auglýsa jólahlaðborð í sjónvarpinu. Hallóóóó það er enn sumar!!!

Gott að vakna svona! Í dag þarf ég ekki að mæta í skólann fyrr um 13....vúhú útsofelsi. Svo hringir síminn og segir ég hafi unnið bíómiða fyrir tvo. Ljúft! Geispiddí geisp... gæti alveg sofið aðeins lengur.

enn á lífi

Bara búin að vera vinna, skólast og njóta lífsins. Gyðilíus er hjá mér þessa dagana og mar er hægt og rólega að kenna henni á lífið hérna í Köben.

Í letinni hér í M217 ákváðum við að taka nokkrar DVD á Blockbuster, ein þar á meðal var Hostel ein ógeðslegasta mynd sem hefur verið gerð. Oj ég á ekki eftir að getað sofið næstu nætur.

Á morgun er á dagskrá að fara í IKEA að flippa aðeins... ooooh svo gaman að eyða peningum. Hóst Hóst Hóst.

Rúst!

Hrebbna massaði þetta algerlega. Náði meira að segja að tjá mig bara ágætlega hvorki hökti né varð eitthvað feimin.

Sem stendur er nett chill hér í M217, nokkrir öl og gott spjall. Fagna góðu gengi og flottum heimsóknum. Hugsanlegt er að kíkja aðeins í byen þar sem maður er nú í fríi frá skóla á morgun.

Próf í dag

Jæja í dag er ég að fara í próf/vörn eða hvað sem þetta er nú. Ég hef sjaldan verið í hópavinnu þar sem við höfum klárað á svona góðum tíma. Andsk... ég hefði getað sofið aðeins lengur í morgun. Sjáum til hvernig þetta fer.

Ég viðurkenni það núna fullkomlega ég er kaupfíkill... ég var að skoða hvað ég er komin með stóran bónus í HM...úps eða vei, hvernig sem á það er litið!

Erna og Stebbi komu í gærkveldi. ekkert smá gaman að hitta þau. Og þau voru ekkert smá sæt og komu með íslenskt nammi og piparost handa mér. MMMM!

Enn og aftur... mig langar í gott og langt frí.

Heilaleysi...

I neeeed coffee! Strætóbílstjórabeyglan lét mig henda fína góða kaffinu mínu þegar ég var á leiðinni í skólann í dag.

Ég gekk á hurðarhún og er nú marin á handleggnum.

Ég er að reyna að skrifa fyrirlesturinn minn en það eina sem kemur út er þroskaheft. Mætti halda að ég hafi lært ensku í gær.

Ég sofnaði á sófanum í gær eftir vinnu... vaknaði röndótt var sko búin að pressa á mig áferðina á áklæðinu á sófanum. Auðvitað var sjónvarpið á og öll ljós... úps! Sem sagt alveg gæðasvefn.

Fór í klippingu til Ingu Rósar í morgun og er nú svaka sæt. Enginn lubbi lengur.

Ég held það sé komið haust... snökt snökt mig langar í meiri sól.

Mig langar ógó mikið í einhvern gómsætan mat... nenni bara ekki út í búð.

Það er svo mikið óhreinatau að það er farið að taka yfir íbúðina mína.

Jæja kannski ég drífi mig bara heim set í þvottavél, laga til og klára svo að læra.

Heppnin alltaf með mér!

Jájá gaman að lenda í hellllllidembu og verða það blautur að maður er blautur inn að beini.... koma í skólann eins og maður hafi farið í sturtu í öllum fötunum, opna skólatöskuna og finna þar regnhlíf!

Hælaskór og skorubolur

Gerist ekki oft en gerðist í gær... ég tók mig til og gerði mig svaka dömulega. Ég verð nú að viðurkenna að ég kann ekki alveg á svona. Einhvern veginn þegar ég er komin í svona veiðigalla þá verð ég ofboðslega meðvituð um sjálfa mig... stíf eiginlega.

Inga Rós og Birgitta opnuðu hárgreiðslustofuna Zenso í gærkveldi með pompi og pragt. Ég verð ein af fyrstu viðskiptavinunum... á pantaðan tíma á mánudagsmorgun.

Magic Bullet

Fór í nettó áðan a.k.a. danska sóvíet bónus að versla aðeins helstu nauðsynjar. Hildur var með í för og fjárfesti í rooooosalega sniðugu apparati. Þetta er aaalveg eins og magicbullet draslið sem tröllríður öllu hér í sjónvarpsmarkaðnum. Ég er aaaaalveg að missa mig með þetta dótarí. Búin að prófa fuuuuullt. En hlakkar eiginlega mest til að fatta hvernig safapressan virkar.

Vill einhver koma í heimsókn og fá heimatilbúið hummus eða salsa eða guacamole ásamt einhverjum gómsætum frosnum drykk eða nýkreistum safa?

Er í banka ekki banka

Djööö fórum að ræða um heilsubælið í gær og vááá hvað mig langar að sjá þá þætti aftur. Ef einhver lumar á því gulli endilega láta mig vita.

Geiiisp... helgin barasta búin, mér finnst helgar eiga að vera 5 dagar og virkir dagar bara 2, nei reyndar ekki ég myndi líklega bara vinna enn meira.

Það er barasta orðið haustlegt hér í köben, rigning og rigning og enn meiri rigning. Ágætt að kæla sig aðeins en þetta er orðið einum of mikið. Liggur við að regnhlífin sé orðin álíka mikilvæg og að fara í nærföt.

jæja best að fara að gera eitthvað í þessari íbúð.

Ég þarf fríííí

Jáhá! 7/11 selur ekki sígarettur frá föstudegi til sunnudags allavega við Ráðhústorgið... WTF????

Nýjasta frænkan mín er ekkert smááá sæt, nú verður maður að hoppa til Íslands til að berja skvísuna augum.

Nú er ég búin að sjá að það eru ekki 48 tímar í sólarhringnum, þannig ég er að reyna að ákveða hvað ég ætla að vinna mikið og hvar. Erfið ákvörðun verð ég að segja.

aulahrollur

Standa á kassa í pakkaðri búð kennd við sjö og ellefu, fá tilbaka fullt af klinki, hiklaust setja það í vasann, fatta strax það er gat á vasanum, finna hvernig klinkið rennur kuldalega niður buxnaskálmina, hafa augu allra á þér meðan þú tínir upp klinkið af gólfinu.

Vera svo hrikalega mikið að pæla í eigin hugsunum og labba rúðu.

Tvisvar á einum degi vera svo ofboðslega hugsi og í eigin heimi að missa af strætóstoppistöðinni sinni.

Sumarið búið?

Í dag er síðasti dagurinn minn sem einungis vinnandi mannsveskja... skólinn hefst á ný í fyrramálið. Hvað varð eiginlega um sumarið? Ég er ekki enn búin að fara á alla þá staði sem ég ætlaði að heimsækja né gera allt það sem mig langaði til að bralla. Þess í stað hefur sumarið hjá mér farið í að vinna eins og vitleysingur.

Samt er þetta frí búið að vera æðislegt neita því ekki. Fullt af skemmtilegum heimsóknum og mikið af rugli.

Þar sem strandarstóllinn minn hefur ekki fengið nógu mikla notkun þannig honum hefur verið plantað í stofuna mína og ber nú nafnið lazyboyinn.

Flutt

Víííí ég er loksins flutt eða svona næstum. Mest allt draslið mitt er komið á nýja staðinn og þetta lítur bara þokkalega vel út. Humm ég þarf bara að fara að stækka aftur við mig þar sem ég er búin að sanka að mér fuuuullt af dóti.... hvernig komst þetta allt fyrir í þetta litla pláss sem ég var í? En vá ég held ég flytji ekkert aftur á næstunni takk.

En shiiiit skólinn byrjar eftir öööörfáa daga og þá verður maður að setja í fimmta gír. Byrja svo í ræktinni á morgun, reyna að koma sér í smá form. Er byrjuð að vinna aðeins minna en helgin fer reyndar í að vinna á báðum stöðum... úpps.

Hver vill koma og mála gömlu íbúðina?

Mögnuð mynd

Ég hef sjaldan grátið jafn mikið yfir mynd... jú nema kannski Notebook. En eina við þessa mynd hún er sannsöguleg. Hotel Rwanda er ótrúleg mynd. Af hverju var ég ekki búin að sjá þessa mynd áður? Af hverju er svona mikil grimmd í heiminum? Hvernig getur fólk pyntað og myrt fólk bara vegna litarhafts, uppruna, trúarbragða eða annarra fáranlegra hluta? Úff púff!

Hitinn hér í Köben er næstum óbærilegur þessa stundina... þegar maður hélt það gæti ekki orðið heitara nei nei þá hækkar bara um nokkrar gráður. Maður getur eiginlega ekki hreyft sig né gert neitt af viti. Heilinn virkar ekki alveg nema til að minna mann á af og til að drekka vökva.

Súrir draumar

Ok það er ekki í lagi með mann í hausnum þegar manni er farið að dreyma jafn súra drauma og mig dreymdi í nótt.

Í fyrsta lagi var ég fréttamaður en greinilega freelance eða eitthvað því það kom skýrt fram að ég var ekki hjá NFS né RÚV. Jæja ég var víst að fylgjast með fótboltaleik (karla) milli FH og Fram og Fram var að rústa þessu.... (öööö þó ég sé ekki viss er þá ekki FH sterkara lið?) en jæja splittar ekki diff. Völlurinn var alveg við útvarpshúsið... nema hvað í þessu húsi var allt sem tengdist ríkisfjölmiðlum ásamt einhverju safni. Jæja allavega brann það gjörsamlega til grunna og það var þvílíkt mikið mál. Skrítið að horfa á hús sem maður þekkir svona vel brenna alveg til ösku.

En ég vaknaði svo áður en eitthvað meira gerðist. En audda fyrsta sem ég gerði þegar ég vaknaði var að tjekka á mbl.is bara til að vera viss um að þetta var draumur.

Allt að verða vitlaust

Nei nei nei... ég er svo aldeilis hlessa, það er barasta líf í kommentakerfinu!

Erna: Ég er búin að leggja inn umsókn um að veðrið haldist svona þangað til og meðan þið verðið hérna.

Maríanna: Ég og Hlín erum alveg að háma í okkur sólina... þú verður bara að fara að drífa þig hingað út kona.

Gugga: Takk fyrir það...

Gyða: Frábært, djööö hvað ég hlakka til að sjá þig. Hvar á að búa og svona?

Hrefna Líneik: Já það er pláss en þú mátt búast við að það verði soldið á rúi og stúi þar sem flutningur stendur yfir.... Endilega komdu í heimsókn!!!

Gunnar Hilmar: Ég var í FAU en er það ekki lengur þar sem ég bý í Köbenhavn en endilega sendu meil ef þú vilt fá einhverjar upplýsingar.

Eva Rut: Meilið ætti að vera komið með sólina!

sól sól skín á mig

Veðrið undanfarna daga og vikur hefur verið sjúklega gott. Minns var í fríi í dag og auðvitað varð maður að fara út í góða veðrið. Ég og Hlín fórum út á terrasse með freyðivín, ný kirsuber og hnetur (mar verður að fá salt til að koma í veg fyrir vökvatap). Ég er núna brúnni en ég var þegar ég bjó á Flórída... sjúkt ekki satt.

Ég var að gera mér grein fyrir því að flutningur mun eiga sér stað í næstu viku....sjitturinn titturinn! Ég vildi ég ætti svona fjarstýringu maður bendir á hluti og þeim er bara varpað á sinn stað í næstu íbúð. Einhvern veginn er maður ekki aaaalveg í fíling að fara að flytja allt þetta drasl á milli.

Hildur beib klippti mig í gærkveldi og minns er bara massa sáttur við útkomuna. Lubbinn var orðinn aaaaallnokkur. Svo ætlaði ég að "laga" toppinn minn aðeins, úps einum of klippiglöð... veeelstuttur, æ etta verður orðið fínt í næstu viku.