Tímaleysi!

Af hverju eru ekki fleiri tímar í sólarhringnum??? Alveg sama hvað og hvernig ég skipulegg mig þá vantar alltaf meiri tíma. Við erum að reyna að pakka niður og ganga frá íbúðinni á kollegíinu, en sökum vinnu þá einhvern veginn gengur þetta ósköp hægt. Við höfum í hyggju að flytja og klára allt á sunnudag og mánudag. Sjáum bara til hvernig það gengur. Annars bjóðum við upp á kalda bjóra og pizzu fyrir þá sem eru svo elskulegir að hjálpa okkur við flutninginn. Já og svo í kaupbæti býð ég í grillveislu fljótlega! Any takers???

Að öðru... ég er búin að vera að taka eftir svoooo mörgu hérna að undanförnu sem mér þykir einstaklega furðulegt. Til dæmis hvernig fólk hagar sér í strætó, dónaskapur í samskiptum, karlmenn á flottum bílum að keyra upp að konum á Istedgade og "kaupa" þær, eiturlyfjasamningar og fleira og fleira. Allt eru þetta hlutir sem gerast um hábjartan dag en ég hugsa að fæstir taka eftir. Ég hef tekið eftir þessu í dag því ég er bara búin að vera að glápa út um gluggan í vinnunni að fylgjast með fólki því það er mjög lítið að gera í kvöld sökum einstaklega frábærs veðurs.

Á morgun ætlum við stelpurnar allar að vera í kjólum (allavega ég, Elín og Helga). Þær eru að fara á GusGus tónleikana en ég þarf að vinna en mun hitta þær eftirá. Nema hvað ég á enga skó sem passa við fínan kjól og ætla því að kaupa afmælisgjöfina til sjálfrar mín aðeins snemma, nú er bara að finna flotta skó. Ég gef mér skó á hverju einasta ári í afmælisgjöf.

Loksins pláss fyrir fötin mín!

Jæja þá er ein af áhyggjum síðustu daga út um veður og vind. Við stöllur erum komnar með íbúð og það alveg frábæra! Stór íbúð á tveimur hæðum með garði í austurbrú. Ég hlakka ekkert smá til að flytja verð ég að segja og komast á stað þar sem mér finnst ég eiga heima. En íbúðin á kollegíinu hefur einhvern veginn alltaf verið til bráðabirgða, eitt dæmi um það er að við höfum átt heima þarna síðan í ágúst en ekki enn hengt upp eina einustu mynd. Við Elín kíktum á þessa íbúð núna í vikunni og urðum algerlega ástfangnar og þegar ég fékk símhringinguna í dag þá hoppaði ég hæð mína af kæti. Var reyndar þegar farin að innrétta í hausnum á mér.
En ef einhver er ekki að gera neitt í byrjun júní þá gefum við kaldan bjór fyrir aðstoð við flutning!

Gegg... og fráb

Stelpurnar eru æði. Var að horfa á þessa þætti á DVD og ég orgaði úr hlátri.

Ég hefði ekkert á móti því að vera á íslandi í dag þar sem það er svaka veisla í Bakkasmára í tilefni af 70 árum ömmu Doju. Til hamingju Amma Gamla!

Fékk mér nokkra bjóra í gær vegna þess ég þarf bara að mæta í eina vinnu í dag.... veiiiii! Nema hvað núna er maður hálf þynnkulegur. Úff púff!

Er eðlilegt að eiga 14 hvítar skyrtur?

Rugluð?

Vinnualkinn mættur á svæðið... ekki nóg með að ég er í fullri plús vinnu þá fannst mér ég eyða morgnum mínum á kolrangan hátt og tók því að mér að þjóna á mjööööög annasömum veitingastað á Nyhavn. Þannig ég mæti þar á morgnanna um 9-10 og hleyp svo þaðan beint í hina vinnuna, reyndar bara nokkrum sinnum í viku en nóg samt. Svo í júní hafði ég hugsað mér að taka jafnvel heila viku í frí og gera nákvæmlega ekki neitt. En samt svakalega gaman að vinna á svona þvílíkt ólíkum vinnustöðum og ég er ekki frá því að ég eigi eftir að skipuleggja mig mun betur en hingað til hefur verið. Það er eitthvað við mig ég get alls ekki bara gert einn hlut í einu ég verð að hafa 100 hluti í gangi annars verður ekkert úr neinu hjá mér því ásamt þessum vinnum leysi ég af einstaka sinnum á kaffihúsi, svo verður maður að eiga sér líf líka af og til.

Sunnudagar eru yndi.... sól er æði.... bjór er góður.... og hvað er betra en að sameina allt í eitt?

Reyndar vegna ofurskemmtunar gærkveldsins hefur lítið orðið úr þessum sólríka degi. Elín Ása og ég höfum í raun ekki hreyft okkur meira en meter frá sófanum í dag.

En já mig dreymdi draum í dag sem var á 5-6 tungumálum. Mér finnst alveg skiljanlegt að ég sé að verða rugluð enda er maður að tala 4 tungumál á hverjum einasta degi. Franskan er að koma mjög sterkt og að maður getur haldið uppi samræðum um kúltúr á Norðurlöndunum tel ég stórmerkilegt.

Nú styttist í kosningar og ég er orðin rosa spennt að sjá hver útkoman verður. Já eins gott að allir fari og kjósi!!!!

Af veikindum og öðrum skemmtunum

Langt síðan ég hef verið svona hrikalega veik. Mér er illt frá tá og uppí topp (mjög mikið í toppstykkinu) og næring er eitthvað sem líkami minn hefur mótmælt í dag. Ég leitaði lengi í dag að einhverjum sem gæti unnið fyrir mig í kveld þar sem ég sá ekki fram á að geta staðið í lappirnar og þjónað. Eftir að hafa hringt í um það bil 20 manns og veit að eigandinn hringdi í álíka marga, fann ég eina stúlku til að vinna nema hún þekkti staðinn ekki neitt. Þannig ég þurfti á öllum mínum kröftum að halda til að fara niður í vinnu og þjálfa hana á hálftíma. Strætóferðin var mesta kvöl og pína sem ég hef upplifað... þurfti að fara út nokkrum sinnum á leiðinni og taka næsta vagn. En tókst að útskýra allt og hélt heim á leið, í sófann minn undir sængina hlýju, með leigubíl!!!!

En súrt að vera veikilíus á laugardegi þegar það er fullt að gerast! En fyrsta skipti held ég sem ég er að horfa á sjónvarp á laugardagskveldi!!!!

Ég er ekki að standa mig!

Þarf að skrifa oftar hér á síðuna en einhvern veginn er alltaf eins og það séu ekki nógu margir tímar í sólarhringnum... svo þykir mér alveg ótrúlega gott að sofa. Annars fékk ég tvo daga í frí þessa vikuna og nýtti mér þá til hins ítrasta. Sumarið/vorið skall á með látum um helgina þannig ég hef verið að vinna í því að gera sjálflýsandi hörund mitt aðeins meira aðlaðandi. Ég er farin að halda að leggir mínir séu með ofnæmi fyrir að verða brúnir því alveg sama hvað ég reyni þá virðist ég ekki taka lit þar. SVINDL!

Ég er sem stendur í vinnunni að bíða eftir að gestir kvöldsins mæti á svæðið. Mmm ég fékk svo góðan kvöldmat.... perluhænu með allskyns grænmeti og sósu sem var to die for. Núna er ég hálf afvelta af seddu. Ég elska að vera að vinna á svona litlu gourmet veitingastað... ég fæ alltaf svooo gott að borða.

Gleðikona í háska

Gleðilega páska!!!!

HAHAHA ég gerðist gogo dansari á sviði á tónleikum í gær... rugl bull og vitleysa. Og allt til á videó.

Málshátturinn minn sagði batnandi manni er best að lifa, humm er verið að ýja að einhverju?
Jæja borðið á ykkur gat og hafið það gott. Ég er farin í átveislu til Hildar í Svíþjóð síjú leiter.

Svei mér þá

TVÍBURAR 21. maí - 20. júní Þegar þú hefur ekki efni á einhverju sem þig langar í, ekki sannfæra sjálfa þig að þú þarfnist þess hvort eð er ekki. Vertu frekar útsjónarsöm og finndu leiðir til að fá það sem þú vilt.

Þetta er ein hvað besta stjörnuspá sem ég hef fengið í lengri tíma. Ég verð að fylgja stjörnuspánni minni... kannski ég fari og kaupi mér allt sem mig langar í. Fylltum reyndar aðeins á vínrekkann hjá okkur í dag og auðvitað var fyllt á ísskápinn sem var orðinn frekar sorglegur. Þannig ég og Elín erum bara heima í kvöld að hygge okkur með rauðvín.

Ég ætlaði þvílíkt á tjúttið í gær en eftir vinnu var ég orðin frekar lúin að ég endaði með að sofna á sófanum í djammgallanum og alles.

Ótrúlegt en satt þá er ég í fríi í tvooo daga í röð. Næ kannski að laga til og setja í þvottavél og allt það skemmtilega sem maður neyðist til að gera af og til.

Vinnualki???

Jadúddamía! Kannski ég sé að vinna of mikið, fólk sem var út að borða hjá mér á Le Basilic í gærkveldi, kom við á kaffihúsinu í dag og fékk sér kaffi. Þau spurðu hvort ég væri bara að fylgja þeim til að vera þjónninn þeirra allsstaðar. Pældu í að fara út að borða og lenda allltaf á sama þjóninum alveg sama hvar þú ert. HAHAHA

Annars var verið að breyta tímanum hérna þannig maður er einhvern veginn tímaskynslaus sem stendur. Ég mætti auðvitað of seint í vinnuna en aftur á móti gerðu flestir aðrir það sem voru að vinna með mér.

Bjór kemur bara í pörum.... satt og sannað!

Ég fór til Þýskalands

En ferðasaga kemur þegar ég hef tíma... en þið getið skoðað myndir!

Dagurinn næstum kominn!

Loksins loksins þá er komið að blessuðu Berlínarferðinni sem er búin að vera á planinu núna í rúmt hálft ár. Við förum í lestinni á morgun um hádegi svo geri ég ráð fyrir að vera í Berlín um kl 18. Þá fara að leita að hostelinu og svoooo djamma!

Ótrúlegir sumir hlutir hér í Danmörku, það er eitthvað að póstinum hérna þannig ég er ekki að fá öll bréfin mín. Jæja ekki nóg með það þá var eitthvað bréf frá símafyrirtækinu sem endursendist (nota bene ekki reikningur heldur auglýsingin, þar sem ég er með greiðsluþjónustu) þannig símafyrirtækið ákvað að ég væri ekki til lengur og lokuðu símanum mínum! Ok þetta er símafyrirtæki afhverju hringdu þeir ekki bara í mig? Já já svo sögðu þeir að það myndi taka nokkra daga að opna símann halloooo ég borga reikninginn á réttum tíma í hverjum mánuði og þeir ætla að taka sér góðan tíma í að opna hann aftur. Hrebbna var EKKI sátt og eigum við ekki að segja það var búið að opna símann áður en ég lagði á.

Köben on fire

Jæja þá er búið að rýma ungdomshuset og öll borgin fór náttúrulega í biðstöðu. Það var kveikt í rétt hjá þar sem ég á heima og maður heyrði nettar sprengingar og læti lengi vel. Þyrlur sveima hérna reglulega og maður sér lögguna víða. Manni hálf líður eins og þetta sé borg sem er að búa sig undir massíft stríð. Samt finnst mér fréttaflutningurinn af þessum atburðum of dramatískur.

Lítið að frétta af mér bara vinna og meiri vinna. Svo Berlín á föstudag... hlakka svoooo til.

Þangað til næst!

snjór og meiri snjór

Gvuð minn almáttugur danir eru skrítnir. Það er smá snjór og rok hérna og allir eypa gjörsamlega. Almenningssamgöngur hafa ekki virkað sem skyldi síðan á miðvikudag og mjög erfitt er að komast ferðar sinnar. Þetta er bara rétt svona íslenskt vetrarveður! Á mörgum stöðum er útgöngubann og ef þú ferð út þá færðu takk fyrir góða summu í sekt. Auðvitað eru allir sem voru búnir að panta borð hjá mér búnir að afpanta... sum borð pöntuðu fyrir nokkrum mánuðum síðan! j

Reyndar hefur þetta veður í för með sér einstakann kulda! Eins og allir vita þá er ég kuuuuldaskræfa og ekki er gott þegar hitinn í íbúðinni manns virkar ekki. Í nótt svaf ég með tvær sængur og í gammósíum, ullarsokkum og rúllukragabol. Mér líður eins og ég sé í útileigu síðla hausts.

stjörnuspá?

Tvíburar: Það er erfitt fyrir þig að örvast af og gleyma þér í hlutum einsog mat, daðri og skemmtun. Gefðu persónu þinni þess sem hún þarfnast. Það er besta leiðin til að koma þér aftur í gang. (tekið af mbl.is)

Vóóó ég held að stjörnuspáin mín hafi aldrei verið svoooo vitlaus! En hey whatever rocks your boat.

Annars var klikkun í vinnunni í gær og vinnudagurinn freeeekar langur. Erfiðast var þó að hafa aðstoð sem hefur enga reynslu what so ever og það var eiginlega bara double vinna fyrir mig því ég þurfti að endurgera margt sem hún gerði. Sem betur fer tóku gestirnir lítið eftir því. Fengum allavega gott þjórfé í lok kvölds.

Var svooo aldeilis til í einn öl eftir vinnu en ekki tókst það heldur var farið á milli bara í einn og hálfan tíma að leit að hentugum stað til að svala þorstanum. Endaði með að ég var orðin svo0000 pirruð, enda ekki búin að setjast niður í 13-14 tíma, orðin níkótínþurfi og þyrst, að ég stakk bara af heim og dó á sófanum.

Í dag var ætlunin að vera þvílíkt dugleg, laga til, elda mat, þvo þvott og svo framvegis en einhvern veginn er maður ekki að koma neinu í verk. Kannski gerist eitthvað á eftir aldrei að vita.

fullorðin?

Ég veit ekki alveg hvað er að gerast þessa dagana en allt bendir til þess að maður er ekki krakki lengur heldur maður verði að sætta sig við það að maður er fullorðin. Í dag byrja ég í nýju stöðunni á franska veitingastaðnum. Ekki laust við það að ég sé svolítið stressuð enda mikil ábyrgð. En nú verða allir sem eru í Köben að koma á veitingastaðinn til mín.

Ég held Hlín hafi orðað hlutina best þegar hún sagði ég væri heimsins mesti domestic frestari í heiminum. Þvotturinn bíður, uppvaskið bíður og þrifin líka. Þegar ég verð eldri og ríkari þá verður sko húshjálp á mínu heimili.

Legusár af sófasetu

Æfingar fyrir ólympíuleikanna halda áfram, sérsvið Elín Ásu er stöðvaskiptingar á magnaðri 2004 árgerð af fjarstýringu, mitt er maraþon í sófasetu undir sæng án atrennu. Við afrekuðum þó að fara í sturtu eftir laaaanga og stranga æfingu. Vá hvað þetta er búið að vera erfiður dagur, ef við höldum svona æfingar reglulega þá held ég að við séum alveg að horfa á gullið.

Við erum sem sagt ekki búnar að gera neitt í dag vegna þreytu eftir of mikla vinnu síðustu daga. Þegar maður er farin að tala við sjálfa sig fyrir framan kúnna þá held ég það sé góð hugmynd að taka smá frí. Annars erum við Elín búnar að umgangast hvor aðra aaaaðeins of mikið þar sem við þurfum varla að ræða saman lengur... giftar?

Stelpukveeeld

Í kvöld er stelpukvöld hjá okkur. Við ætlum út að borða á fondústað og svo fá okkur aðeins í aðra tánna kannski. Verst að bakið á mér er að fara með mig þannig ætli ég verði ekki að láta það bíða að taka þátt í trylltum dansi. Ég er allavega komin í kjólinn með rautt naglalakk og rauðan varalit.... ógó gella.

Ég skal borga einhverjum að vaska upp hjá mér!

Elíííín akkuru ertu svona bláááá?

Framtakssemin aaaalveg að fara með mig... myndir frá gærkveldinu komnar inn. Við Elín Ása erum að æfa okkur fyrir ólympíuleikana í tugþraut í sófasetu og sjónvarpsglápi og allsherjar leti svo á eftir mun Hlín koma og æfa með okkur.

Við erum algerlega screwed því maður getur ekki hjálpað öðrum fyrr en maður hjálpar sér sjálfur.... aumingja Elín og ég.

Af hverju getur maður ekki leigt sér róna?

Nýjar myndir komnar inn... Endilega tjekkið á þeim!