Ég er að baka....baka köku....

Ofurhúsmóðirin mætt á svæðið enda vilja allir giftast mér....híhíhí!

Ég og Sólveig höfum átt læridag í dag.... ekkert smá duglegar. Svo elduðum við fajitas og svo er verið að baka bananaköku í eftirrétt! Ég held ég hafi ekki verið svona framtakssöm í lengri tíma.

Pantaði mér óvart tvo boli á netinu í dag... mæli með Threadless mjög töff bolir þar á bæ.

Sófía prinsessa

Atburðir gærkvöldsins voru magnaðir, líktust einna helst góðri sápuóperu. Skemmtilegur kafli í bókina sem ég er að skrifa...Drama í Danmörku.

Já mér fannst ég viðbjóðslega fyndin í gær. Elín Ása hefur að undanförnu verið að kvarta undan að enginn hringi í hana þegar hún er í vinnunni. Auðvitað ákvað ég að vera góð vinkona og redda þessu.... ég sem sagt skyldi eftir 20 skilaboð á talhólfinu hennar. Leyfði henni að fylgjast með ÖLLU sem ég gerði í gærdag.


Mynd dagsins: How to lose a guy in 10 days. Ein af bestu myndum sem hefur verið gerð! Ég og Hildur grenjum allavega úr hlátri.

Biatch

Elín Ása puttabraut mig og svo fitlar hún við kærastann minn eins og hún eigi lífið að leysa... who needs enemies when you got friends like this? Hildur reynir líka við kallinn minn er aðeins kurteisari en Elín...

vei eða þannig

Jæja ástæða veikinda að undanförnu er massíft ofnæmi... æði! Ég er með ofnæmi fyrir ryki og ég vinn við að þrífa ryk. Hehehe mér finnst þetta soldið fyndið bara. Hver getur verið jafn óheppin og ég?

Annars er flöskudagur en ætli maður verði ekki bara róleg á því. Kannski maður geri eitthvað sniðugt annað kvöld.

Ef einhverjum leiðist má alveg hringja í mig!

hvað er eiginlega að mér?

Jæja klukkið er rétt rúmlega átta... ég er búin að vera vakandi í nokkra klukkutíma! Eða öllu heldur frá klukkan 5.30 í morgun. Þetta er í annað skipti í vikunni þar sem mér er það gjörsamlega ómögulegt að sofa lengur.En mig grunar að ég eigi eftir að vera úrvinda uppúr hádegi. Getur einhver útskýrt þetta fyrir mér?

Ég er í dag búin að vakna fara í sturtu, skoða allar heimsins heimasíður, klára eitt stykki verkefni, fara í bakaríið, fara í metró, fara í strætó, koma í skólann og sit hér aaaaalein í skólanum en tímar hefjast ekki fyrr en kl. 9.50. En þetta er rosalega góður tími til að læra og vinna að verkefninu stóra.

Þar sem maður eyðir dágóðum tíma í almenningssamgöngur hér í bæ þá finnur maður upp á ýmsu til að láta tímann líða. Mitt aðaláhugamál er að skoða í hvernig skófatnaði fólk er í. Ég er sannfærð um það að skórnir segja hvernig persóna manneskjan er. Ég er allavega komin með nokkrar steríótýpur. Annars dauðlangar mig í nýja skó... helst lágbotna stígvél! Hver vill gefa mér svoleiðis?

gleymdi einni

Ég barasta gleymdi að setja Evu Rut í listann yfir fólkið sem ég var að "kítla". Eva mín þú sleppur ekki í þetta sinn.... enjoy!

Enn eitt...

Sjö hlutir sem ég ætla ad gera áður en ég dey:
Klára eitthvað nám
Fara til Ástralíu
Hanna eigið hús
Eignast börn (þarf maður þá ekki líka mann?)
Fara í heimsreisu
Fara í fallhlífarstökk
Vera hamingjusöm

Sjö hlutir sem ég get:
Ég kann alveg að elda
get keyrt bíl
látið eins og fífl
talað og það mikið
hangið á kaffihúsum
blandað kaffikokteila
spilað golf


Sjö hlutir sem ég get ekki:
Sungið
haldið hreinu heima hjá mér
skilið svía tala
skipt um dekk
vaskað upp jafnóðum
Fattað AutoCad almennilega
spilað golf



Sjö hlutir sem heilla mig við hitt kynið:
Augun
Húmorinn
Persónuleikinn
Gáfur
Brosið
Rassinn
Metnaður
restin....


Sjö þekktir sem heilla mig:
Angelina Jolie... hún er bara svo kúl.
Colin Farrell... hann er bara svo hot.
J.LO.... bara því hún virðist geta allt.
Quentin Tarantino...því hann gerir svo flottar myndir.
Johnny Depp.... hann er flottastur.
Madonna.... wonder woman.
Kanye West... fyrir að vera kúl.



Sjö setningar/orð sem ég segi oft:
Ha?
Já já
sagði einhver bjór?
Hva meinaru...
jæja þetta er síðasti bjórinn svo fer ég heim.
ég er hætt að drekka (oftast sagt á sunnudögum)
hvad siger du? engang til...


Sjö hlutir sem ég sé núna:
Laptopinn minn
símann minn
sjónvarpið
borðstofuborðið
lampann minn
Kormák og Breka (plönturnar mínar)
ég sé reyndar alla íbúðina mína þar sem hún er frekar lítil.


Ég ætla að "kitla" Hildi, Sólveigu, Sunnu og Kristín Erlu.... þið hin megið líka alveg gera þetta.

Yo homies

Það er skítakuldi hér í Köben! Greinilegt að það er að koma vetur og ég verð að viðurkenna að ég er alveg komin í jólafíling. Fylltist nett af stressi í gærkveldi þegar ég hugsaði til þess ég hef einungis mánuð til stefnu til að klára að búa til allar jólagjafir og audda föndra jólakonfektið.

Það er brjálað að gera í skólanum núna... mér finnst ég komin frekar afturúr en þetta reddast. Auðvitað setur feitt strik í reikninginn að ég er ekki búin að vera hérna undanfarna viku.

Ég hlakka viðbjóðslega til að heimsækja Frónið en það er hálft ár síðan ég flutti hingað út. Tíminn flýgur algerlega frá manni. Mér finnst ekkert smá stutt síðan ég flutti en samt finnst mér ég alltaf hafa búið hérna. Líka maður er búinn að afreka margt og mikið og bralla ótrúlegustu hluti á þessum tíma.

Jæja ég ætti nú kannski að fara að vinna að verkefninu...

Þunnudagur

Þynnkupartý á Dalslandsgade í dag. Elín Ása og Hildur gistu hérna í nótt, vitleysingarnir læstu mig úti úr eigin íbúð. Það var meira en lítið erfitt að reyna að komast inn... Þær heyrðu ekki bankið né símhringingar. Að lokum endaði þetta vel því ég var skuggalega nálægt því að fara bara að sofa á ganginum... minnti mig svolítið á aðstæðurnar þegar ég læstist á baðinu í Bakkasmára.

Ég er andleg endurnæring Elínar í dag og Hildur bíður eftir kraftaverki.

Stjörnuspáin í dag

TVÍBURAR 21. maí - 20. júní
Möguleikarnir eru óteljandi en tvær leiðir til þess að eyða tímanum blasa við. Tvíburinn verður tvístígandi framan af en ákveður loks hvað er fyrir bestu og fylgir því eftir.

Já þetta er svo satt... það var reynt að fá mig á djammið í kvöld, einhver partý í gangi og svona. En Hrebbna ákvað að hygge sig hjemme í staðinn. Smá eftirsjá kannski.

Skóli loksins

Já komin með ógeð á inniverunni og skellti mér í skólann í morgun. Það var nú reyndar ekki mikið gert en gott að komast út á meðal fólks.

Fór í pyntingu í morgun... ég skalf af hræðslu og sagði hjúkkunni vinsamlegast ekki láta mig vita hvenær hún myndi stinga mig. Svo kom það ááááááiiii.... ok kannski ekki svo slæmt en ég sá aldrei nálina þannig mér leið betur en vanalega. Þoli ekki þegar það er búið að leggja helv... nálina pent á borðið áður en maður kemur.

Það er ógó veður hérna núna... dimmt og rok og rigning og kalt skítkalt. Vottar jafnvel fyrir smá heimþrá í svona veðri.

Mig langar til sólríks lands þessa stundina.... liggja á ströndinni með Strawberry Daquiri.

Jæja er ekki kominn tími á heimferð?

samblandið

já kaffi og ávaxtafrostpinni fer skuggalega vel saman....

Sé fyrir endan á þessu

Veiii ég svaf næstum heilan svefn í nótt... og engir brjálaðir draumar. Ætli ég geti þá ekki farið í skólann á morgun ef ég er orðin hitalaus... verð þá bara að halda kjafti þar sem það er mjög erfitt að tala. Svo hitti ég doktor hálsa á morgun.

Hildur kom í heimsókn í gærkveldi og horfðum við imbann. Það var klikk spennandi þáttur af CSI (Tarantino leikstýrði) en neiiii það var to be continued... ÉG HATA SVONA! Nú þurfum við að bíða í heila viku til að sjá hvað gerist. Ég er ekki þolinmóð kona og svona pirrar mig bara.

Nú styttist í það að ég fái nokkrar stöðvar aukalega (ríkisstöðvarnar eru ekki þær skemmtilegustu). Síðustu þrjá daga hef horft á þessar 4 DVD myndir sem ég á of oft fyrir utan það að ég var komin með ógeð á þeim áður.
Hmm úllendúllen doff kikkilani koff hvað á ég að horfa á næst.... Clueless!

sagan heldur áfram

Sofnaði í dag... dreymdi Bubba, var orðin besta vinkona hans og við vorum mikið að ræða um íslenska ædolið.... WHAT THE FUCK???

Fór til læknis og honum fannst mjög óeðlilegt hversu oft ég fæ hálsbólgu... straight to the throatdoctor thank you very much. Mmmm frostpinnar!

En ég skal keep you updated með þessa fokked up drauma. því mér finnst þeir fyndnir!

verra í dag en í gær

Æðislegt mér líður enn ömurlegra í dag en í gær. Svaf eiginlega ekki neitt í nótt var bara í hálfgerðu móki, hálfa nóttina var ég að byggja geimskip og mér fannst ekkert skrítið við það. Og skrítna við allt þetta var mér fannst þetta hafa gerst eða vera að gerast. Inni á milli voru pásur á geimskipsbyggingu þar sem maður grenjaði úr sársauka. Vá hvað ég vildi ég væri heima hjá mömmu og pabba núna... I want my mommy!!!

Sem stendur gæti ég alveg tekið þátt í fegurðarsamkeppni.... milli norna og aðra skrímsla. Ég er skemmtilega grágræn í framan með rauða hárið úti í allar áttir og svo lítur hálsinn út eins og frankenstein. Og hljóðin sem koma upp úr mér eru ólík öllum öðrum.

Enn og aftur...

Já já Hrebbna er enn og aftur komin með hálsbólgu, reyndar í þriðja eða fjórða skipti á skömmum tíma. Versta bara þegar ég fæ hálsbólgu þá fæ ég hita og verð rosalega sljó. Ég held það sé alveg kominn tími til að láta rífa alla kirtla út. Mmmmm þá fær maður að borða ís í heila viku. Fékk tíma hjá lækni á morgun... sjáum til hvað hann segir.

Allir gestir farnir aftur til síns heima bæði Frónarbúar og Baunar.. Ég þarf bara nauðsynlega að laga til hérna núna en það er smá drasl eftir alla sem hefur á hér gengið undanfarið.

Pabbi gamli á afmæli í dag, TIL HAMINGJU MEÐ DAGINN PABBI!

úff!

Gærkveldið var rosalegt... ótrúlegt hvað gerist þegar maður er búin að ákveða við sjálfa sig að fara snemma heim og helst ekki drekka neitt. En í teiti meðal íslendinga er sjaldan hægt að neita áfengi.

Reef n Beef var svakalega gott eins og ávallt. Reyndar hafði þynnka einhver áhrif á að maður nyti matsins til hins ítrasta, einnig hafði sitt að segja að við urðum svoooo saddar eiginlega strax á forrétti.

En ég er komin með mikið efni í góða bók jafnvel bíómynd eða þáttaröð. Drama virðist elta mig og mína.

Núna þarf Hrebbna að drullast til að gera stærðfræðiverkefni og svo er það svefn.

Fullt af myndum

Var að bæta inn fullt af myndum frá lífinu hér í Köbenhavn þar má meðal annars sjá myndir af íbúðinni minni. Það var svakalega gaman í gær byrjuðum á skólabarnum og fórum svo í partý til skólafélaga míns þaðan fórum við á barinn hans Dennis í Nyhavn... ölvun var gífurleg en skemmtun í hámarki. Sést vel á myndunum.

Í kveld munum við stöllur fara á Reef n Beef, auðvitað verður maður að leyfa sveitapakkinu að smakka krókódíl, kengúru og emu. Senere i aften munum við fara í teiti til Herra Þráins og Frú Maríönnu. En hann átti einmitt afmæli um daginn. Jæja komin tími til að fara að fegra sig fyrir kvöldið.

Ciao!

Enn á lífi

Bara brjálad ad gera thannig ég hef barasta ekki haft tíma til ad blogga. Íris og Hulda mættu á svædid í gær og verdur København tekin med trompi. Í dag snjóar thví jólabjórinn kemur á barina... svaka hefd hér á bæ.

Fyndid einn kennarinn minn var ad fatta ádan ad ég væri íslensk... hann hélt ég væri kani....múhahahahahaha!

Jæja best ad fara ad borda eitthvad og svo drekka bjór.

íbúðin mín

Fór og tók smá flipp í IKEA í gær... sit núna með eitt stykki kommóðu í billjón pörtum á gólfinu. Ég elska húsgögn frá IKEA ódýrt og yfirleitt mjög flott hönnun... EEEEN ég þoli ekki að setja þetta drasl saman.

Þrátt fyrir púslið þá er íbúðin mín að verða svo sæt... keypti mér alvöru gardínur (ekki eitthvað sem ég föndraði), loftljós og fleira smá dót. Þyrfti eiginlega að taka myndir þegar allt er reddí til að sýna ykkur. Einstaklega Hrebbnuleg híbýli.

Jæja best að halda áfram að púsla...