Hallo kalló!

Sit hérna í vinnunni að bíða eftir að klukkið verði 20. Gengur alveg óvenjulega hægt finnst mér. Mætti sko klukkan 13 í dag. Þvílíkur lúxus... fór og keypti rúnstykki í morgunmat og svona fíneri og dundaði mér við lestur á blöðunum.

Búin að eiga frekar bágt í dag... er alveg að drepast í bakinu. Þetta er ekkert grín að vera svona stífur og vera með verk frá rassi og upp í haus og verkjatöflur eru ekkert að virka. Eins gott ég verði góð fyrir fimmtudag því þá keyrum við vestur á Ísafjörð og svo á föstudag förum við með bát yfir á Flæðareyri.
Speaking of which... þarf að redda mér tjaldi og græjum.

Geisp

Úff búin að sitja hérna í vinnunni í ca 10 tíma og nú eru bara 2 eftir. Hef næstum sofnað nokkrum sinnum en afrekað það einungis einu sinni í dag. Örugglega mjög sniðugt að fara og kaupa smá sælgæti núna til að vakna. (Alltaf að hafa tilefni.)

djammpacked sumar

Hvað á þetta eiginlega að þýða að hafa öll partý alltaf á sama degi? 10. júlí er ekki sniðugur dagur til að halda partý nú þegar hefur mér verið boðið á ca. 5 staði það kvöld, og það er bara 25. júní!

Næstu helgi verð ég fyrir vestan nánar tiltekið á Ísafirði og Flæðareyri. Ég hlakka mjög til. Dalalífsstemmingin í botn.

Kanarnir sem ég hef ekki séð í 16 ár koma 10. júlí og verða til 14. That is going to be very interesting I must say.

Dagsetning er komin á sumarhátíð Dísanna en hún verður 17.-18. júlí. Einhvern veginn grunar mig að skipuleggjendur hátíðarinnar Tinna og Guðrún séu búnar að selja okkur sem ódýrt vinnuafl upp í sveit allavega miðað við lýsingar.

Búrfellsdjamm 23.-25. júlí með Kötlu, Sigrúnu, Sollu, Bylgju, Tinnu og fleirum skemmtilegum stöllum.

Svo eitthvað meira sem stendur í minnisbókinni.

Um helgina hins vegar verð ég að vinna næstum allann tímann. VEI! Vinna sko fyrir fríinu.

tjill og fleira

Hæ hó,

Lítið að frétta af mér... Um helgina hef ég afrekað að fara í nokkrar heimsóknir, "djammið" með Þórunni, Víkingahátíð, út að borða, bíó, fá nokkrar heimsóknir og svo núna er ég stödd í vinnunni.

Jon fór í fyrsta skipti út án mín í gær... á djammið með Hadda og strákunum. Ég held hann hafi skemmt sér alveg þokkalega. Ég þurfti að fara snemma að sofa til að geta vaknað til að fara í vinnuna.

Símbloggið er ekki að virka sem er alveg ömurlegt.

Þórunn og Birta kíktu í heimsókn til mín í vinnuna áðan... Birta var eitthvað svaka feimin við mig. Mútur virkuðu ekki einu sinni, reyndi alveg gulrætur og kleinuhring en neibbs enn feimin.

Ég verð að fara að gera eitthvað í útlitinu á þessari síðu... og kommentakerfið og koma upp linkunum og og og og

Hæ hó jíbbjei

Jæja næstum því alveg kominn 17. júní! Ætli maður opni ekki eins og einn bjór í kveld að fagna þessum merka degi... samt þarf ég að mæta í vinnu í fyrramálið.

Um helgina var haldið upp á 23 ára afmælið mitt.... úff! Mikil drykkja og ölvun.... en alveg einstaklega skemmtilegt. Sjálfum afmælisdeginum eytt í meiriháttar þynnku.

Svo fékk ég margt skemmtilegt í ammælisgjöf... oh ég er svooooo mikið afmælisbarn í mér,finnst þetta alveg ótrúlega gaman.

Af afmælisgjöfum til sjálfrar mín.... ég keypti mér annað par af skóm! Ok ég er með smá svona bara pínulítið skóæði.

p.s. Ekki láta aðra sjá um að panta hlöllabátinn fyrir þig á djamminu.

Ýmislegt í gangi

Ákveðin hefð sem hefur verið hjá mér í ansi mörg ár.... það er ég kaupi mér alltaf skó rétt fyrir afmælið mitt... svona afmælisgjöf til sjálfrar mín. Í ár keypti ég voða sæta hvíta og rauða strigaskó. Ég er alveg einstaklega ánægð með þessi kaup mín og er ógeðslega sæt í þeim.

Everyone watch out!

If god was a DJ....

Jæja þá er kominn mánudagurinn enn á ný. Að vísu verður þetta soldið skemmtileg vika því Sólveig og Elín koma til Íslands.... í tilefni af afmælinu mínu (eða eitthvað svoleiðis). Skrítið maður eldist og eldist en samt finnst manni að maður sé bara 12 ára ennþá. Mér finnst ég lítið hafa breyst síðan ég var unglingur nema náttúrulega maður er kominn með smá reynslu í kladdann. Shit ég er orðin 23 ára gömul... sem í sjálfu sér er ekkert gamalt en ég hélt nú þegar ég var yngri að þegar ég yrði 23 ára væri ég komin með hús, bíl, mann og börn....og væri búin að ákveða hvað ég ætlaði að verða. En ég er bara komin með eitt af þessum lista þ.e.a.s. manninn en samt ég er ekki gift eins og ég hélt ég yrði. 23 ára var alveg voðalega gamalt! Ég hrekk alveg í kút þegar talað er um mann sem konuna...oftast nær krakkar. Svo þegar maður pælir í því þá eru margir vina manns kominn með allt á þessum lista... kannski maður sé bara svona seinþroska eða eitthvað.

Dagurinn

Þá er maður á helgarvakt og svona skemmtilegheit. Að vísu það er voðalega ljúft að vera hérna um helgar einhvern svo mikil ró yfir öllu.

Maður kíkti aðeins á kaffihús með vinnufélögunum í gær eftir vinnu svona eins og einn tveir bjórar teigaðir. Síðan haldið heim í mat... Birna og Lalli nærðu sig með okkur. Ræddi alveg heillengi við Birnu um ríkisstjórnina og slíkt. Very interesting to say the least. Jon er komin með nett ógeð held ég á þessum pælingum mínum þó hann skilji ekki einu hvað ég er að segja þegar ég er að ræða þetta. Hann hlakkar bara til að fara að læra íslensku.

Seinna í gærkveldi var kíkt í bjór á kaffihús með Sigrúnu og Kötlu. Svaka stuð. Verst að þurfa að mæta í vinnunna því ég var alveg komin í nettann djammgír. Ó well kannski í kveld.

Rölti mér áðan upp á kaffitár og fékk mér ótrúlega góðann machiato hjá Sigrúnu og svo skoðaði maður í búðarglugganna. Keypti mér voðalega töff úr í Skarthúsinu... mjög ánægð með þessi kaup mín.

Oh mig langar svo í skó... helst rauða.... og tösku í stíl. Reyndar langar mig bara að fara á verslunarfyllerí.... en ég er að reyna að vera skynsöm og sparsöm. Sérstaklega ef maður ætlar að flytja af hótel mömmu í haust.

Fjölmiðlafrumvarp

Blessaði forsetinn neitaði barasta að skrifa undir. Ég verð nú að játa þetta var nokkuð sem ég bjóst svo aldeilis ekki við. Ég er greinilega í mjög fámennum hópi sem taldi þetta vitlaust af honum. Þetta er alls ekki hans vald að mínu mati, Hann á ekki að vera pólitísk vera að neinu leiti. Deila má afhverju Dabbinn setti lögin hvort það hafi verið til að vernda fjölmiðlastreymi til þegna þessa lands eða sem persónulegar árásir á Jón Ásgeir. Lögin í sjálfu sér eru mjög sniðug að mínu mati að minnsta kosti eftir breytingar og slíkt. Eitthvað sem er þarft hér á þessu skeri þar sem Íslendingar eru með fréttaþyrstustu þjóðum heims. Ég vil ekki mengaðann fréttaflutning að neinu leiti...Fjölmiðlar eru öflugt tæki sem má ekki vera í eigu fyrirtækis sem á stórann hluta alls markaðar á Íslandi. Kolkrabbinn á sínum tíma var ekki næstum því eins stór og öflugur og þetta apparat er orðið í dag....

Mjög margir eru á móti mínum skoðunum þessa dagana og greinilegt að mörgum er ansi heitt í hamsi. En það er rosalega gaman að fylgjast með hvað margir hafa opnað augun gagnvart stjórnmálum og hvar valdið liggur.

Nýtt útlit á ný

Vegna geigvænlegar óánægju hef ég ákveðið á næstu dögum að breyta útliti síðunnar aftur á allra næstu dögum.... þar með talið commentakerfi og að sjálfsögðu koma linkarnir aftur og fleiri til.

Bíðið spennt!

Hvernig líst fólkinu á?

Breytti útlitinu soldið... en hey ég á eftir að fá smá ráðgjöf frá litla bróður um hvernig ég bý til linka.

Hallo kallo....

Sit hér á þessum sólríka degi inni í vinnunni. Kannski maður rölti sér niður á Ingólfstorg á eftir og kaupi sér ís. Það er frídagur þannig það er ljúft að vera í vinnunni, annað en stressið sem einkennt hefur staðinn á undanförnum vikum.


Jon kemur í fyrramálið (í nótt)þannig maður þarf að koma sér í ensku gírinn aftur. Eins og það er stutt síðan ég kom heim er ég hrikalega heft eitthvað í enskunni. Maður er greinilega enga stund að missa niður orðaforðann.

Tók nett djamm á föstudag... úff ég verð að fara að passa mig á djamminu... maður drekkur og drekkur og svo allt í einu er klukkan orðin 8 næsta dag.

Ok klukkan er tæpilega 14 á frídegi ég er í dag búin að afreka meira en ég hef gert á heilli viku síðustu tvo mánuði.
*Vaknaði fyrir átta og mætti í vinnunna.
*Búin að fara á 101 hótel og fá mér kaffi hjá Kötlu.
*Spássera mig um í miðbænum.
*Vinna soldið (mun meira en venjan er á svona dögum)
*Spila nokkra tölvuleiki
*Horfa á vikuskammt af Nágrönnum
*horfa á formúluna
*Rækta vina og fjölskyldutengsl
*svara emailum
*skrá mig í háskólann á Akureyri
*Búin að lesa DV, Moggann og Fréttablað fyrir föstudag, laugardag og sunnudag!
og mun fleira.... mér þykir þetta einstakur árangur! Sérstaklega sé tekið tillit til þess ég er alveg einstaklega svefnþurfi manneskja á venjulegum frídegi.

Blö! Blö!

Pixies í gærkveldi var geggjað! Ótrúlega furðuleg stemming þar sem flest allir tónleikagestir voru komin yfir tvítugsaldurinn. Allir í nett tjilli og svona. En vá hvað þetta er góð tónlist! ÆÐI!

Stefnt er að fresta þinginu á morgun... ég vona það gangi eftir þannig maður getur farið að eiga sér líf aftur eftir alla þessa törn.

Jæja ég ætla að halda áfram að "vinna"!

Howdy neighbor!

Wazzzuup? Var að vinna alla föstudagsnóttina þannig lítið um tjútt þá. En vá ég heldur betur bætti það upp á laugardag! Fór fyrst í saumó og át þar á mig gat í boði Sunnu. Einstaklega skemmtilegt en svo var komið að því að hefja drykkjuna. Helena and yours truly sátum í Bakkasmára og drukkum tvo bjóra og ákváðum þá að hitt the town. Kíktum á Þjóðleikhúskjallarann. Mjög skemmtilegt þar... björguðum félögum frá skrítnum stelpum og svona. Einhverra hluta vegna var ég á einhverjum sér deal á barnum því ég fékk nokkrum sinnum 2 bjóra en borgaði bara fyrir einn. Skemmtilegur díll þar.
Héldum áfram á Nelly´s ásamt ýmsu fylgdarliði sem við höfðum sankað að okkur.... fórum þar í fyllerísleiki. Þegar búið var að loka þar hófst leitin að opnum stað og þann fundum við í Hafnarstræti, Da Boomkicker. Drykkjan hélt áfram og áfram og áfram....

p.s. Var mjöööög þunn á sunnudag.

Hellooo pípól!

Jæja allt er vænt sem vel er grænt... og allt er gott sem endar næstum því vel. Já allavega ég fékk símann aftur létt skemmdan. Litlar stelpur sem búa ofar í götunni fundu hann undir einhverjum grænum bíl og gengu svo hús úr húsi í leit að eigandanum. Djö ég var svooooo fegin.

Annars er ég að massa vinnutímana alveg hreint. Maður fer bráðum að heimta bedda hérna í vinnunni. En ég verð nú að segja ég er orðin nett sýrð á þessum blessaða fjölmiðlaleik.

Anna Jóna & Hörður og Ellen útskrifast öll um helgina til hamingju nýstúdentar! Frekar flott hjá Önnu Jónu og Herði að púnga út einu barni í miðjum prófum en samt ná að útskrifast með öllum hinum. Og Ellen að hafa þetta af þó endurfundir þeirra Davíðs hafi átt sér stað í miðjum prófum. En Ég vissi að þið gætuð þetta öll. TIL HAMINGJU!!!

Bæ ðí vey ég þarf að fara að kíkja á litla prinsinn hann Högna Alvar Harðarson.

Vitiði mér fyndist alls ekkert verra að hætta í vinnunni ákkúrat núna og fara heim í nett tjill.

Và hvad er mikill munur à rìkiskaffi og kaffihùsakaffi! Fòr ùt à brennslu og gvud hva etta er gott! Bùin ad drekka of mikid sull undanfarid!

SMSbloggfærslu sendi ég
Sent með GSMbloggi Og Vodafone

Ótrúlega ömurlegt að bjóða "vinum" sínum (að ég taldi) í partý og síðan manns eigin síma stolið!

Ég er bara mest pirruð og reið ákkúrat núna. Og mér finnst þetta mjög sárt að maður getur ekki treyst fólki sem maður er búinn að þekkja í mörg ár á heimili sínu.

Vodafone þykist ekki geta gert rassgat ekki einu sinni séð hvaða númer var síðast hringt í og þeim er svoooo drullusama.

Mig langar helst að fara að gráta núna vegna vantraust á þessum svokölluðum vinum og líka yfir að missa þennann rándýra flotta síma og öll símanúmerin mín.



p.s. hvernig í andskotanum á ég að vakna núna þar sem síminn var vekjaraklukkan mín?

Ömurlegt samsæri ì gangi! Lagid okkar er ekki ad fà nein stig. O well best ad drekka meira

SMSbloggfærslu sendi ég
Sent með GSMbloggi Og Vodafone

Júróvisjhon

Jæja á laugardag er ég búin að fá leyfi til að fara úr vinnunni um 18-19! Þvílíkur lúxus! En þá verður brunað heim í BAkkasmára og grillið kynt. Síðan teigaðir nokkrir velkaldir og síðan er aldrei að vita. EF einhver vill vera memm þá er bara koma í nafla alheimsins a.k.a. Kópavogur komið bara með eigin neysluvörur svo sem kjöt og ethanol. ÉG skal bjóða upp á franskar og eitthvað annað sneddí meðlæti... allavega látið mig vita.

klukkutímar

Klukkutímarnir í vinnunni fljúga alveg....

8 down 6 to go